Генацыд. Успомніць усё. Памятаць кожнага

У рамках праекта “Генацыд. Азарычы. Голас сведкі падзей” напярэдадні Міжнароднага дня памяці вязняў фашысцкіх канцлагераў лектары музея Партызанскай Славы з настаўнікам гісторыі Блешчавай Т.В. прынялі ўдзел у мерапрыемстве “Памяць і час” на базе Дома-інтэрната для пенсіянераў і інвалідаў, дзе распавялі аб нямецкіх злачынствах у канцлагерах Беларусі, а таксама прынялі ўдзел у дыялогавай пляцоўцы з вязнем Азарыцкага лагера Уладзіславам Платонавічам Біранам сумесна з навучэнцамі Мінскага дзяржаўнага каледжа сферы абслугоўвання.

Шанаваць памяць пра тых, хто мужна абараняў нашу Радзіму - наш святы абавязак!

Падчас экскурсіі пазнаёміліся з гісторыяй узнікнення вёскі Хатынь, даведаліся пра трагічную падзею, якая адбылася 22 сакавіка 1943 года. Убачылі помнік "Непакораны чалавек«, пабывалі на “Могілках вёсак". Даведаліся аб 433 вёсках, якія былі знішчаны ў гады Вялікай Айчыннай вайны, але пазней адноўлены і ўвекавечаны ў экспазіцыі «Дрэва Жыцця».
Пабывалі ля "Сцяны памяці" - на мемарыяле з гранітных пліт са звесткамі аб 260 лагерах смерці і месцах генацыду беларускага народа.
Наведалі мемарыяльны комплекс “Курган Славы", дзе пазнаёміліся з гісторыяй узнікнення Кургана, падняліся на гэтую вышыню і ацанілі веліч беларускага народа, які прыняў удзел у перамозе над нямецка-фашысцкімі захопнікамі!
Паездка садзейнічала фарміраванню ў маладога пакалення грамадзянскай пазіцыі і патрыятызму.

Беларускі дзяржаўны музей гісторыі Вялікай Айчыннай вайны – першы ў свеце, прысвечаны самай кровапралітнай вайне ХХ стагоддзя, і адзіны ў Беларусі, створаны ў гады фашысцкай акупацыі.

Напярэдадні свята Вялікай Перамогі вучні 5"Г", 6"А" i 6"Б" класаў завіталі да ветэрана Вялікай Айчыннай вайны Бурнашова Аляксея Афанасьевiча. Хлопцы і дзяўчаты павіншавалі яго з надыходзячым 9 мая, выказалі падзяку за яго гераічны подзвіг, пажадалі моцнага здароўя, таксама падарылі салодкія падарункі.
Вучні 5а, 5б і 5в класаў наведалі і павіншавалі са святам Перамогі малалетняга вязня канцлагера Кулагу Інэсу Георгіеўну, якая ў сакавіку была ўзнагароджана дыпломам “Жанчына года -2022”. Як і заўсёды сустрэча прайшла ў цёплай абстаноўцы з гутаркай пра ўсе цяжкасці і гора часоў Вялікай Айчыннай вайны. Інэса Георгіеўна са слязамі на вачах прачытала дзецям верш “Дзеці вайны”. Мы памятаем!
Напярэдадні Свята Перамогі вучні 7 а,б,в класаў наведалі і павіншавалі ветэрана Вялікай Айчыннай вайны Ермаловіча Аркадзя Іванавіча. Суровая праўда ваеннага ліхалецця, мужнасць і гераізм нашых воінау́!
Развітваючыся, пажадалі моцнага здароўя і жыццёвага аптымізму, выказалі ўдзячнасць за здзейснены подзвіг і спадзяванне на шматлікія сустрэчы ў будучыні.

Захаваць памяць - асноўнае, што мы павінны зрабіць!

Віншуем Коваль Мілану з Дыпломам 1 ступені, якая заняла 1 месца ў секцыі "Вялікая Айчынная вайна ў гісторыі маёй сям’і!"

Вучні з вялікай увагай слухалі ўспаміны ветэрана пра цяжкі шлях вайны 17-гадовай партызанкі, пра небяспечную і такую неабходную работу партызанскай сувязной. А колькі жаху пабачыла яна пры фарсіраванні Бярэзіны ў час наступлення Савецкай Арміі ў 1944 годзе.
Даўно няма ў жывых роднага брата, які ваяваў разам у партызанскім атрадзе, камандзіра і сяброў-партызан, а памяць вяртае яе зноў і зноў у гады маладосці, адвагі і мужнай барацьбы нашага народа за сваю свабоду.
Дзеці пажадалі ветэрану здароўя і аптымізму і выказалі бязмерную падзяку за шчаслівае мірнае жыццё.

Вучні выказалі шчырую падзяку Уладзіславу Платонавічу за яго жыццёвы подзвіг, зазначылі, што на яго прыкладзе вучацца гімназісты будаваць сваё жыццё.
Менавіта на аснове пастаянных сустрэч і гутарак з Уладзіславам Платонавічам створана экспазіцыя Музея Партызанскай славы, прысвечаная генацыду беларускага народа, дзейнічае праект "Генацыд.Азарычы.Голас сведкі падзей".
Гімназісты падаравалі Уладзіславу Платонавічу свае даследчыя працы, друкаваны артыкул пра інтэрв’ю з ім, матэрыялы стэндаў музея гімназіі.
Жыццёвы шлях такога Чалавека - прыклад для кожнага з нас .

І я стаю ля чорных пліт, Стралой мне попел у сэрцы:
Не смей забыць і дараваць
Усім, хто тварыў тут зверствы...

Ніхто не забыты.
Нішто не забыта.

Пад час экскурсіі першачкі даведаліся, што дзейнасць музея накіравана на захаванне, вывучэнне і прапаганду дакументальных і матэрыяльных сведчанняў аб подзвігу і ахвярах беларускага народа ў гады вайны ў імя захавання міру на зямлі.
Шчыра далучаемся да акцыі музея “Захоўваем і помнім”.

Гісторыя аддае гэтаму лагеру чацвёртае месца па велічыні і колькасці ахвяр пасля Асвенціма, Трэблінкі, Майданэка. Больш за 200 тыс. загінуўшых - вось тая сумная статыстыка, якая з'яўляецца своеасаблівым знакам лагера.
Вучні 5 “А” класа падрыхтавалі і правялі экскурсію па мемарыяльным комплексе. МЫ ПАМЯТАЕМ!!!

Занятак быў праведзены лектарскай групай пад кіраўніцтвам настаўніка гісторыі Літвіновіч Надзеі Юр’еўны ў музеі Партызанскай славы гімназіі 14.
МЫ ПАМЯТАЕМ!

Лектарская група 8 “Б” класа пад кіраўніцтвам настаўнікаў гісторыі правяла экскурсіі ў музеі Партызанскай Славы для вучняў 6-7-х класаў па тэме "Генацыд: галасы мінулага". А лектары з 10 “А” класа арганізавалі экскурсію для вучняў 9-х класаў. Напрыканцы кожнай экскурсіі вучні ўшанавалі памяць ахвяраў генацыду хвілінай маўчання.
НЕЛЬГА ЗАБЫЦЬ... НІКОЛІ ЗНОЎ...

Вучні з цікавасцю агледзелі экспазіцыю музея, уважліва слухалі экскурсавода, былі вельмі ўражаны пачутым, хоць многія факты з гісторыі ім добра вядомыя.

Дзеці агледзелі экспазіцыю музея, паглыбілі веды пра жудасны перыяд у гісторыі нашага народа, пра ахвярнасць усіх, хто набліжаў перамогу: воінаў, партызан, падпольшчыкаў...
Асаблівую цікавасць выклікала экспазіцыя тэхнікі ваеннага часу, а таксама інфармацыя пра ўдзельнікаў вайны, чыімі імёнамі названы вуліцы, размешчаныя ў раёне нашай гімназіі: Тухачэўскага, Іскаліева, Ракасоўскага.

Галіна Андрэеўна зазначыла, што трэба берагчы мір, каб трагедыя Вялікай Айчыннай вайны ніколі не паўтарылася .

Канферэнцыя стала вынікам пошукавага праекта "Спаленыя вёскі Радзімы". Разам з гімназістамі падзяліліся вынікамі сваіх даследаванняў і вучні СШ 82, якія былі запрошаны ў якасці гасцей.
Прыемна, што з кожным годам усё больш становіцца юных даследчыкаў ваеннага мінулага нашай краіны. Сёння прэзентавалі свае працы 20 вучняў. Вынікам праекта стала стварэнне інтэрактыўнай карты спаленых вёсак Радзімы для Музея Партызанскай Славы гімназіі.
Страшныя злачынствы ваенных гадоў не толькі ніколі не павінны быць забытыя, але і не павінны паўтарыцца.

Вучні 6-х і 8-х класаў гімназіі 14 у Міжнародны Дзень юнага героя-антыфашыста наведалі музей Вялікай Айчыннай вайны, дзе папоўнілі свае веды новымі цікавымі фактамі аб гераічным мінулым нашай Радзімы. Гэты музей з'яўляецца скарбонкай памяці пра сумныя, балючыя, страшныя гады нашай гісторыі.

У рамках месячніка грамадска-патрыятычнага выхавання ў музеі Партызанскай Славы гімназіі 14 для вучняў 6-х класаў прайшоў кіналекторый "Юныя героі-антыфашысты". Гэтым мерапрыемствам у гімназіі распачаўся Дзень памяці юных-герояў антыфашыстаў.
Лектары музея Партызанскай Славы гімназіі 14 Бурая Карына і Смоўж Лізавета для вучняў 8б класа правялі ўрок памяці, прысвечаны Міжнароднаму Дню юнага героя-антыфашыста.

У рамках месячніка па грамадзянска-патрыятычным выхаванні ў Музеі Партызанскай Славы гімназіі 14 для вучняў 8 А класа была праведзена класная гадзіна ў форме экскурсіі "Ніхто не забыты, нішто не забыта".
Лектары музея: Шрубок Я., Буры А., Крайнюк М, Лазоўская А. пазнаёмілі вучняў са знакамітымі партызанамі брыгады імя Сталіна А. Мурашовым, П. Хмялеўскім, а вучаніца 10 класа Яфімчык Ксенія расказала пра трагедыю Трасцянца ў лёсе яе бабулі С. Капусцік.

У рамках акцыі "Успомніць усё. Памятаць кожнага" лектары Музея Партызанскай Славы гімназіі 14 правялі экскурсію для вучняў 1а класа.

Першакласнікі не толькі атрымалі цікавую інфармацыю пра дзейнасць партызанскай брыгады імя Сталіна, але і самі расказвалі пра гераічныя ўчынкі сваіх прадзедаў у гады Вялікай Айчыннай вайны.

Актыў піянерскай дружыны імя Заслонава гімназіі 14 разам з класным кіраўніком 8 "Б" Блешчавай Т. В. падвялі вынікі правядзення акцыі "Ад усёй душы ". Прыемна дарыць цяпло людзям!

У рамках акцыі "Ад усёй душы " вучні 8-х класаў гімназіі 14 павіншавалі з Навагоднімі святамі Грэбянка Максіма Васільевіча.

Вучні 5-х класаў павіншавалі з Калядамі вязня канцэтрацыйнага лагера ў гады Вялікай Айчыннай вайны Кулагу Інэсу Георгіеўну. Дзеці былі вельмі ўражаны трагічнымі гісторыямі пра дзяцінства за калючым дротам.
Ва ўсіх дзяцей-вязняў, як і ў дарослых, было адно запаветнае жаданне, каб хутчэй скончылася вайна. Там, у няволі, будучыня залежала толькі ад Перамогі.

Не было б Перамогі, не было б і нас.

Прадстаўнікі калектыву гімназіі 14 ў рамках акцыі "Ад усёй душы" напярэдадні свята Раства Хрыстова завіталі ў госці да ветэрана Вялікай Айчыннай вайны Бурнашова Аляксея Афанасьевіча і ўручылі падарункі і ласункі ад усяго калектыву.

29.12 на базе Музея Партызанскай Славы гімназіі адбылася даследчая канферэнцыя вучняў 6-7 класаў "Голас спаленых вёсак".
Разам з бацькамі гімназісты зрабілі першыя крокі ў даследчай дзейнасці, даведаўшыся пра лёс беларускіх вёсак у гады Вялікай Айчыннай вайны. Пасля выступлення кожны вучань размясціў вёску сваёй малой Радзімы на інтэрактыўнай карце спаленых вёсак музея Партызанскай Славы.

Вучні 9 "А" разам з настаўніцай гісторыі Літвіновіч Н. Ю. былі запрошаны на дыялогавую пляцоўку "Гісторыя. Памяць". На пляцоўцы ў адкрытым фармаце ўздымалася тэма генацыду і яго ахвяр.

Мы ніколі не павінны забываць сваю гісторыю!

9 снежня - Дзень усенароднай памяці ахвяр вайны і генацыду беларускага народа. У 12.00 гімназія №14 далучылася да грамадзян нашай краіны і прыняла ўдзел у Рэспубліканскай хвіліне маўчання - ушанавала памяць ахвяр генацыду беларускага народа і тых, хто цаной свайго жыцця ўнес уклад у Вялікую перамогу.

Лектары музея Партызанскай Славы гімназіі №14 сустрэлі прадстаўнікоў гарадскога агляду музеяў баявой славы. Работу музея Партызанскай славы прадстаўлялі камісіі настаўнікі гісторыі Літвіновіч Н.Ю. і Блешчава Т.В..

Настаўнікі гісторыі і вучні пазнаёмілі гасцей з накірункамі работы музея, расказалі пра свае пошукавыя даследаванні, прысвечаныя гераічнаму мінуламу нашай краіны.

Жадаем і надалей такой выдатна працы музею!

У музеі Партызанскай Славы гімназіі №14 прайшлі экскурсіі для маленькіх патрыётаў. Музей наведалі вучні 2 “Б” класа гімназіі і выхаванцы дзіцячага садка №265 г.Мінска.
У якасці экскурсаводаў выступілі настаўніца гісторыі Літвіновіч Надзея Юр’еўна і вучні 6 “А” класа. З вялікай увагай слухалі вучні гімназіі і выхавальнікі дзіцячага садка цікавую экскурсію “Пяць цудаў музея”.

Шчыра запрашаем да нас у музей.

23 лістапада ў гімназіі 14 адбылася сустрэча вучняў 8-10 класаў з пракурорам Заводскага раёна, старэйшым саветнікам юстыцыі Кулакоўскім Аляксандрам Мікалаевічам.

У ходзе сустрэчы Музыка Дар’я і Яфімчык Ксенія прадставілі пошукавыя матэрыялы аб гісторыі сваіх сем’яў у гады Вялікай Айчыннай вайны. Кулакоўскі А.М. расказаў аб дзейнасці пракуратуры па захаванні гістарычнай праўды, задаў вучням пытанні аб іх грамадзянскай пазіцыі. Дыялог атрымаўся шчырым, адкрытым, змястоўным.

Вучні пазнаёмілі пракурора з работай музея партызанскай славы.

18 лістапада на базе сярэдняй школы №120 адбыўся рэспубліканскі семінар кіраўнікоў музеяў устаноў адукацыі, на які былі запрошаны прадстаўнікі лепшых музеяў краіны. Гасцей сустракалі музеі устаноў адукацыі Заводскага раёна з выязднымі экспазіцыямі. Гістарычны профіль (ваенна-патрыятычны) прадстаўляў музей Партызанскай Славы гімназіі №14.

У музеі Партызанскай Славы гімназіі №14 экспазіцыя , прысвечаная генацыду беларускага народа, створана на аснове навукова - даследчай працы вучняў.

Адзін са стэндаў музея прысвечаны малалетняму вязню Азарычскага канцлагера Уладзіславу Платонавічу Бірану, які пасля апаленага вайной дзяцінства стаў галоўным афтальмолагам г. Мінска.

Прапануем інтэрактыўную карту з указаннем месцаў прымусовага ўтрымання грамадзян.

Значком ⚫ (геалакацыі чорнага колеру) на карце пазначаны месцы прымусовага ўтрымання грамадзян:
⚫ Мемарыял ахвярам канцлагера Дразды;
⚫ Мемарыяльны Комплекс Трасцянец;
⚫ Пішчалаўскі замак;
⚫ "Шталаг №352";
⚫ Мінскае гета.

Пры пстрычцы курсора на значок ⚫ з'яўляецца кароткая інфармацыя аб аб'екце.

Спасылка на карту:⤵️

https://www.google.com/maps/d/viewer?ll=53.88786413315136%2C27.600885531410075&z=13&mid=1XwN1KCcvCagQD-Ph0xbGc2TyDV0KoLI