Гімназія № 14 г.Мінска

У адпаведнасці з арт. 160 Кодэкса Рэспублікі Беларусь аб адукацыі:

1. Для навучэнцаў, якія па медыцынскіх паказчыках часова або пастаянна не могуць наведваць установы адукацыі, ствараюцца ўмовы для атрымання агульнай сярэдняй адукацыі дома.
Пералік медыцынскіх паказанняў для атрымання агульнай сярэдняй адукацыі дома вызначаецца Міністэрствам аховы здароўя Рэспублікі Беларусь.

2. Адукацыйны працэс для атрымання агульнай сярэдняй адукацыі дома арганізуецца дзяржаўнай установай адукацыі па месцы жыхарства (месцы знаходжання) навучэнца або дзяржаўнай установай адукацыі, у якой ён навучаўся да ўзнікнення медыцынскіх паказанняў для атрымання агульнай сярэдняй адукацыі дома.

3. Рашэнне аб атрыманні агульнай сярэдняй адукацыі дома прымаецца аддзелам (упраўленнем) адукацыi мясцовага выканаўчага i распарадчага органа па месцы жыхарства (месцы знаходжання) вучня на падставе заявы вучня (законнага прадстаўніка непаўналетняга вучня) і заключэння ўрачэбна-кансультацыйнай камісіі.

4. Парадак арганізацыі атрымання агульнай сярэдняй адукацыі дома вызначаецца Міністэрствам адукацыі Рэспублікі Беларусь па ўзгадненні з Міністэрствам аховы здароўя Рэспублікі Беларусь.


Навучанне і выхаванне вучняў у арганізацыях аховы здароўя

У адпаведнасці з арт. 161 Кодэкса рэспублікі Беларусь аб адукацыі:
1. Вучням, якія асвойваюць змест адукацыйных праграм агульнай сярэдняй адукацыі і якім аказваецца медыцынская дапамога ў стацыянарных умовах у арганізацыях аховы здароўя, ствараюцца ўмовы для навучання і выхавання ў парадку, вызначаным Міністэрствам адукацыі Рэспублікі Беларусь па ўзгадненні з Міністэрствам аховы здароўя Рэспублікі Беларусь.

2. Адукацыйны працэс навучэнцаў у арганізацыі аховы здароўя арганізуецца ўстановай адукацыі па месцы знаходжання арганiзацыi аховы здароўя.

3. Рашэнне аб навучанні і выхаванні вучня ў арганізацыі аховы здароўя прымаецца аддзелам (упраўленнем) адукацыi мясцовага выканаўчага i распарадчага органа па месцы знаходжання арганiзацыi аховы здароўя на падставе звестак, што прадстаўляюцца гэтай арганізацыяй аховы здароўя.