Мэты і задачы
гімназіі № 14 г.Мінска
на 2019/2020 навучальны год
Мэта:
Павышэнне якасці гімназічнай адукацыі сродкамі мадэрнізацыі інфармацыйна-адукацыйнай прасторы, аптымізацыі кіравання і ўдасканалення эфектыўных адукацыйных методык для фарміравання маральных, сацыяльна-асобасных, агульна-культурных кампетэнцый дзяцей і моладзі і замацавання станоўчага іміджу беларускамоўнай гімназіі.
Задачы:
1. Павысіць узровень прафесійнай кампетэнтнасці педагагічных работнікаў праз развіццё гімназіі як рэсурснага цэнтра, удзел у інавацыйнай дзейнасці, удасканаленне дыстанцыйнага навучання, праз развіццё высокатэхналагічнага адукацыйнага асяроддзя ўстановы ў рамках праекта “Электронная школа” для захавання кантынгенту кадраў беларускамоўнай гімназіі, прафесійнага росту і павышэння іміджу педагога.
2. Удасканаліць адукацыйную прастору па выяўленні і падтрымцы адоранай, таленавітай моладзі з мэтай праз далучэнне да даследчай дзейнасці і інавацыйных тэхналогій, актывізацыю ўдзелу ў інтэлектуальных конкурсах і алімпіядах, удасканаленне дапрофільнай і прафарыентацыйнай работы, пашырэнне сеткі адукацыйных паслуг, у тым ліку на платнай аснове.
3. Развіваць выхаваўчую прастору гімназіі, якая садзейнічае асобаснаму станаўленню актыўнага, сацыяльна адказанага грамадзяніна, патрыёта і лідара на аснове дзяржаўнай ідэалогіі, нацыянальнай спадчыны, здароўезберагальнага асяроддзя і бяспечнай жыццядзейнасці.
4. Удасканальваць механізмы кіравання ўстановай праз планамернае развіццё электроннага дакументазвароту, укараненне эфектыўных, эканамічна мэтазгодных алгарытмаў фінансава-гаспадарчай дзейнасці і развіццё бяспечных умоў функцыянавання ўстановы.
Тэма метадычнай работы: прырашчэнне ўзроўню прафесійных кампетэнцый педагогаў, праз удзел у інавацыйнай дзейнасці па замацаванні навыкаў настаўніка-даследчыка, праз укараненне электронных адукацыйных і ўпраўленчых рэсурсаў ва ўмовах сучаснай беларускамоўнай гімназіі.
Задачы метадычнай работы:
- актуалізаваць і паглыбіць прадметныя веды настаўнікаў, удасканаліць методыкі выкладання вучэбных прадметаў з ўлікам прымянення здароўезберагальных тэхналогій і выкарыстання электронных рэсурсаў;
- дэманстраваць педагагічныя кампетэнцыі праз сістэму адкрытых вучэбных і факультатыўных заняткаў, семінараў і метадычных мерапрыемстваў у рамках дзейнасці ўстановы як інавацыйнай пляцоўкі і рэсурснага цэнтра;
- удасканаліць метадычнае суправаджэнне прырашчэння прафесійнай кампетэнтнасці настаўнікаў і іх паспяховай атэстацыі праз коўчынгавае суправаджэнне, практыкаарыентаваную дзейнасць метадычных аб’яднанняў гімназіі і абагульненне педагагічнага вопыту.